"O'ZIMPEKSALOQA" MCHJ va Toshkent moliya instituti o'rtasida memorandum imzolandi

"InnoWeek.Uz-2023" xalqaro innovatsion g'oyalar haftaligi doirasida "O'ZIMPEKSALOQA" MChJ va Toshkent moliya instituti o'rtasida ta'lim va innovatsiya sohasida hamkorlikni rivojlantirishga qaratilgan memorandum imzolash marosimi o'tkazildi.

Kelishuvga ko'ra, jamiyat bo'lajak kadrlar tomonidan yaratilgan innovatsion g'oya va ishlanmalarni amaliyotga joriy etish, ularning malakaviy amaliyotlarini samarali tashkillashtirish, hamkorlikda ilmiy-amaliy tadbirlar o'tkazish, ilmiy loyihalar va dasturlar ishlab chiqish hamda amaliyotga joriy qilish, shu bilan bir qatorda birgalikda xalqaro tajribalarni o'rganish kabi yo'nalishlarda amaliy ko'mak beradi.